Mwongozo huu umeandaliwa kwa kuzingatia sheria na kanuni zinazoongoza utaratibu wa mashauri katika Mahakama ya Tanzania. Aidha, changamoto mbalimbali zinazowakabili watumiaji wa huduma za Mahakama zimetoa msukumo mkubwa wa kuwepo na Mwongozo kama huu utakaowawezesha watumiaji wa huduma za Mahakama kujua taratibu za mashauri kuhusu kufungua na kuendesha mashauri hayo Mahakamani. Mwongozo huu utasaidia

• a. Kufahamu muundo na mamlaka ya Mahakama;
• b. Kujua taratibu za mashauri katika ngazi zote za Mahakama;
• c. Viwango vya ada mbalimbali zinazotozwa na Mahakama;
• d. Kuelewa masharti yanayohusiana na utoaji dhamana;
• e. Kujua taratibu za utoaji wa ushahidi, jukumu na kiwango cha kuthibitisha katika mashauri ya madai na jinai katika Mahakama zote; na
• f. Kujua taratibu za utekelezaji wa hukumu.

Maelezo ya mwongozo huu yametolewa kwa lugha nyepesi ili kuwawezesha watumiaji huduma za Mahakama wasio na uelewa wa sheria, kuelewa na kuifikia Mahakama kirahisi na kupata haki husika