Mwekezaji anaweza kuifikia jamii wakati wowote akihitaji ardhi na rasilimali. Miongozo hii inatoa mapendekezo kuhusu namna ambavyo watetezi na viongozi wa jamii wanaweza kuzisaidia jamii kujiandaa, na endapo zikiamua basi ziingie katika majadiliano ya kina kuhusu mikataba na wawekezaji wanaotaka kutumia ardhi na rasilimali za jamii kwa ajili ya biashara zao.

Mwongozo huu (Mwongozo 1) unaeleza namna ambavyo jamii zinaweza kujiandaa kwa majadiliano na wawekezaji watarajiwa, ikiwemo kufanya maamuzi kuhusu kufikia makubaliano au la. Mwongozo unaweza kutumika kuisaidia jamii: (a) kujiandaa kabla mwekezaji hajafika (b) kuamua kuingia katika majadiliano au la na mwekezaji ambaye ameshafika. Mwongozo 1 unapaswa utumike kabla ya kuanza maafikiano yoyote.