Mwongozo huu wa kufundishia Wataalam wa afya katika jamii (CHWs), timu za afya za vijiji (VHTs), Ushirika wa misitu (CFAs), na wafanyakazi wa hifadhi ya wanyamapori unalenga kuwajengea uwezo ili waweze kushirikiana na kaya pamoja na jamii katika harakati zao za kuboresha afya zao na kuhifadhi mazingira katika njia zilizo shirikishi. Kwa kutambua kuwa kaya na jamii zinajihusisha kikamilifu katika kuyaelezea masuala yao ya afya, mafunzo yanalenga kuwawezesha wafanyakazi wa afya katika jamii, timu za afya za vijiji na wafanyakazi wa hifadhi ya mazingira kuweza kusaidia jamii kutathmini hali zao, kutambua mapungufu na kugundua chanzo cha mapungufu hayo ili kuchukua hatua. Kupitia mafunzo haya vikundi vya kijamii vinategemewa kupata ujuzi na stadi zitakazowawezesha kujihusisha moja kwa moja na kaya pamoja na jamii ili kuboresha afya zao, jitihada zao za hifadhi ya mazingira kupitia mijadala yenye heshima na inayothibitika itakayopelekea kuchukua hatua kwa ajili ya kuboresha.